სასტუმრო Residence Maldives — იდეალური თავშესაფარია მათთვის, ვისაც ყოველდღიური რუტინისგან დამალვა და სტრესული გარემოსგან თავის დაღწევა სურს.
ულამაზესი კუნძულის სიგრძე, სადაც ოტელია განლაგებული, 1 კილომეტრია, სიგანე კი მაქსიმალურ წერტილში მხოლოდ 120 მეტრს აღწევს. Residence Maldives-ში სტუმრებს არჩევანს სთავაზობენ კუნძულის ბუნგალოებსა და წყალზე განლაგებულ ქოხებს შორის.
კუნძულზე განლაგებული სასტუმრო The Leading Hotels of The World-ის ქსელს ეკუთვნის.
კუნძულისა და სასტუმრო კომპლექსის სილამაზე და ფუფუნება ნამდვილად შეუდარებელია. ოტელ Residence Maldives-ში 94 ვილა შედის, რომელთა ელეგანტური ექსტერიერი და ინტერიერი ჰარმონიულად ეხამება ტრადიციულ მალდივურ არქიტექტურას. კუნძულზე არის რამდენიმე სპა სალონი, ბარი და რესტორანი, რომელთაგანაც ზოგიერთი პირდაპირ პლაჟზეა განლაგებული.
სასტუმროს ნომრებში თანამედროვე ავეჯი ადგილობრივი არტეფაქტების ასლებთან და ხელოვნების ნიმუშებთან არის შეხამებული. ჩალის სახურავები, ნატურალური მოსაპირკეთებელი მასალები და ეთნიკური დეკორი კი გარემოს კიდევ უფრო მეტ მომხიბლაობას სძენს.
0 კომენტარი:
Post a Comment