ახირებული კლიენტის შეკვეთა – არაჩვეულებრივი აუზის პროექტი, რომელსაც გიტარის ფორმა აქვს, ნამდვილი გამოწვევა იყო კანადური კომპანიისთვის Aqua-Tech Company.
მათი კლიენტი, გიტარების გადარეული კოლექციონერი კომპანიაში სულ სხვა მიზნით მივიდა – მას მხოლოდ ჯაკუზის შეძენა სურდა.
თუმცა მოულოდნელად აზრი შეიცვალა და დაინტერესდა, შეძლებდნენ თუ არა ერთი მეტად საინტერესო იდეის განხორციელებას.
იდეა კი კლიენტის სახლის უკანა ეზოში გიტარის ფორმის აუზის მოწყობა იყო, რომლის კონსტრუქციასაც ინსტრუმენტის ყველა დეტალის ეფექტი უნდა შეექმნა.
ფოტოებიდან კარგად ჩანს, რომ ამ გამოწვევას Aqua-Tech Company-მ ღირსეულად უპასუხა.
კრეატიული აუზის სიგრძე 19 მეტრია, მასში ჩასასვლელად ორი კიბეა კონსტრუირებული და ზუსტად იმეორებს გიტარის ფორმას. კოლექციონერისთვის კი აუზი მის პრაქტიკულ დანიშნულებასთან ერთად ერთ-ერთი ექსპონატის ფუნქციასაც ასრულებს.
არაჩვეულებრივი აუზის კიდევ ორი ფოტო:
0 კომენტარი:
Post a Comment