ამ არაჩვეულებრივი, თანამედროვე სახლის ფასადი და სახურავი მცენარეებითაა დაფარული და მცხოვრებლებს მზის პირდაპირი სხივებისგან და ქუჩის ხმაურისგან იფარავს.
ბუნებრივი ვენტილაციის წყალობით ელექტროენერგია იზოგება, რაც მეტად მნიშვნელოვანია ვიეტნამის ცხელი კლიმატის პირობებში.
მცენარეებით სავსე მრავალრიცხოვანი ტერასები სახლს წინა და უკანა მხრიდან აკრავს, გვერდები კი ჩვეულებრივი სამშენებლო ბლოკებითაა ამოყვანილი. ერთი შეხედვით სახლი მრავალსართულიან კორპუსს წააგავს – მისი სიმაღლე 20 მეტრამდეა.
სახლი მიწის საკმაოდ მცირე ნაკვეთს იკავებს – ხოლო თითოეული სართულის ფართობი 4მ/4მ-ზეა. სახლების მშენებლობის მსგავსი სტრუქტურა (RC frame structure) ფართოდ გამოიყენება ვიეტნამში.
სახლი Vo Trong Nghia Co. ltd-ს არქიტექტორებმა ვო თრონგ ნგიამ (Vo Trong Nghia), დეისიუკ სანუკიმ (Daisuke Sanuki) და სუნრი ნისიზავამ (Shunri Nishizawa) 30 წლის წყვილისთვის დააპროექტეს.
პლანტაციებს შორის მანძილი 10-დან 16 დუიმამდეა, მცენარეების საჭირო დროს მორწყვას ავტომატური საირიგაციო მილები უზრუნველყოფს, ასე რომ, სახლისმფლობელებს მათი მოვლისთვის განსაკუთრებული შრომა არ სჭირდებათ.
დაათვალიერეთ მწვანე სახლის ინტერიერისა და ექსტერიერის ფოტოები ჩვენს გალერეაში:
0 კომენტარი:
Post a Comment