დახვეწილი სასტუმრო Qualia კუნძულ ჰამილტონზეა (ქუინსლენდი, ავსტრალია) განლაგებული. ის სტუმრებს დაუვიწყარ დასვენებას სთავაზობს უმაღლესი კლასის ნომრებსა და მშვიდ გარემოში.
ოტელის ჰარმონიული დიზაინი ავსტრალიელმა არქიტექტორმა კრის ბექინჰემმა (Chris Beckingham) შექმნა. პროექტში აქცენტი შენობის შიდა სივრცისა და ბუნების მშვენიერების შერწყმაზეა გაკეთებული.
სასტუმროში 70 ნომერი-პავილიონი და რამდენიმე რესტორანი მთლიანად ნატურალური მასალებითაა მოპირკეთებული, მათ შორის, გამოყენებულია დეკორატიული ქვა და ხის მასალა.
თანამედროვე დეკორის ელემენტები და დახვეწილი ფერთა გამა დამამშვიდებელ ეფექტს ახდენს. ოტელის ირგვლივ განლაგებული ევკალიპტის ხეებისა და დეკორატიული მცენარეების ჩრდილი ტერასებს ეცემა.
ოტელ “ქუალიას” ინტერიერისა და ექსტერიერის დანარჩენი ფოტოები დაათვალიერეთ ჩვენს გალერეაში.
0 კომენტარი:
Post a Comment