The Meera House ულამაზესი რეზიდენციაა სინგაპურში, რომელიც მსოფლიოში ერთ-ერთმა ყველაზე კრეატიულმა არქიტექტურულმა სტუდიამ – Guz Architects-მა შექმნა.
სახლი კუნძულ სენტოსაზე, სიგნაპურის ახლოს მდებარეობს. Meera House, რომელსაც მთლიანად მწვანე სახურავი აქვს, ზოგადად ეკოლოგიურად სუფთა, ე.წ. მწვანე სახლის საუკეთესო მაგალითია.
როგორც Guz Architects-ის წარმომადგენლები აცხადენენ, სახლის არასტანდარტული კონსტრუქცია ლანდშაფტის თავისებურებებმა და მეზობელი სახლების სიახლოვემ განაპირობა.
“გვინდოდა აგვეშინებინა მასიური კედლები, რომლებიც ჩვენს დამკვეთებს პრივატულობის შეგრძნებას გაუჩენდა. ეს უნდა ყოფილიყო საცხოვრებელი ტერიტორია, რომელიც მწვანე საფარით დაიფარებოდა და მხოლოდ ზღვის სასიამოვნო ნიავით ისუნთქებდა”.
მართლაც, სახლი მთლიანად სიმწვანეშია “ჩასმული”. აქ ყველაფერი ხასხასა მწვანეა – ცოცხალი ღობეებით დაწყებული, ბალახით დაფარული ტერასებითა და სახურავით დამთავრებული. რა თქმა უნდა, აქვეა Guz Architects-ის სტილისთვის დამახასიათებელი დეკორაციაც – აუზში ჩამონტაჟებული პატარა მწვანე კუნძულები.
“სახლის თითოეული სართული ისეა კონსტრუირებული და მოწყობილი, რომ ბაღში მოხვედრა და სიმწვანით ტკბობა ნაგებობის ყველა ნაწილიდან შეიძლება. ფაქტობრივად, რომელ სართულზეც უნდა მოუნდეთ დასვენება, სახლის მფლობელებსა და მათ სტუმრებს ყველგან სასიამოვნო გარემო და ბუნება დახვდებათ”, – ამბობენ არქიტექტურული სტუდიის წარმომადგენლები.
სინგაპურული საპროექტო სტუდია Guz Architects სამხრეთ-აღმოსავლეთ აზიაში აშენებული შთამბეჭდავი ვილებითა და ტროპიკული ციხე-სიმაგრეებითაა ცნობილი. Meera House სტუდიის ბოლო შედევრია.
Meera House-ს სამი სართულის პროექტი:
0 კომენტარი:
Post a Comment