რესტორანი HOTO FUDO, რომელშიც მხოლოდ ტრადიციული იაპონური კერძები შეიძლება შეუკვეთოთ, იამანაშის პრეფექტურაში მდებარეობს. რესტორნის პროექტი კომპანია Takeshi Hosaka Architects-მა განახორციელა.
უცნაური ფორმის რესტორანი, რომელიც უზარმაზარ ღრუბელს მოგვაგონებს, არაჩვეულებრივად ეხამება მთის ბუნებას – თითქოს შენობა ადამიანმა კი არა, თავად ბუნებამ ააგო.
რესტორნის მთლიანი ფართი 530 კვადრატული მეტრია, საიდანაც 140 კვ/მ სამზარეულოს უჭირავს, ხოლო 50 – სამეურნეო კუთხეს.
რესტორნიდან მთიან რელიეფზე არაჩვეულებრივი ხედი იშლება. ნაგებობის კარი მხოლოდ ძლიერი წვიმის ან თოვლის დროს იხურება, სხვა დროს კი მუდმივად ღიაა – თუ გარეთ ნისლიანი ამინდია, ნისლი რესტორნის შენობაშიც აღწევს, ზოგჯერ კი Hoto Fudo-ს მახლობელი ტყეებიდან ცხოველებიც ესტუმრბიან და მაგიდებს შორის დასეირნობენ! :)
0 კომენტარი:
Post a Comment