Tangga House – კიდევ ერთი არაჩვეულებრივი დიზაინი ჩემი ყველა დროის ფავორიტი კომპანიისგან Guz Architects, რომელიც სინგაპურში საუკეთესო კერძო რეზიდენციებს აშენებს.
ეკოლოგიურად სუფთა გარემო Guz Architects-ის არქიტექტურის ამოსავალი წერტილია. ყველა მათი ნამუშევარში, მათ შორის Tangga House-შიც, დიდი ყურადღება ექცევა ლანდშაფტის დიზაინს. მიწის
თუნდაც ყველაზე მცირე ფართობზეც კი, კომპანია ყოველთვის ახერხებს ორიგინალური გამოსავლის პოვნას და ნაგებობის სიმწვანეში “ჩაძირვას”.
რაც შეეხება Tangga House-ს, აქ მიწის სიმცირის პრობლემა ნამდვილად არ ყოფილა. რეზიდენციას 712 კვადრატულ მეტრის ფართობის ბაღი აკრავს, რაც მცირემიწიანი სინგაპურის საზომით საკმაოდ დიდი ტერიტორიაა.
Tangga House 2009 წელს აშენდა. არქიტექტორებისა და დიზაინერებისთვის შთაგონების წყარო სოფლის სახლის მოტივები იყო. ადგილსაც, სადაც სახლი მდებარეობს “ჰოლანდიური სოფელი” ჰქვია
კომფორტული საცხოვრებელი ბუნებასთან სრულ ჰარმონიაშია – სიმწვანეა ყველგან – აივნებზე, ვერანდებზე, ტერასებზე, ფანჩატურის სახურავზეც კი. ალბათ, შეუძლებელია, ასეთ სახლში ბედნიერი არ იყო
Tangga House ჩვენს გალერეაში:
0 კომენტარი:
Post a Comment